|
Ches tabes del région
as sont lo pou mète in avant ches foaiseus d'cusinne ed Picardie, cheus-lo
qu'is patriktte ches produits d'per ichi pou n'in foaire eds erchètes d'amon
nous-eutes.
Ches "Tabes del Région"
as veutte :
• el fristoule del
région
• déchaloter
ches loïins pi ches écanges inter ches foaiseus d'cusinne pi ches produseus
del région
• bailler del
valeur à ches restaurants in juant chele carte d'chele cusinne d'ichi
Ech trait-lo (Ches
Tabes ed ches Régions ed France), qu'i est intrinné par ech Comité ed
Promocion, i s'ertreuve din un résiau nacionnal doù qu'ches régions à l'suite
as sont achuchonnés : Auvergne,
Champagne-Ardenne, Franche Comté, Nord-Pas-de-Calais
pi Picardie.
 Durant
chl'an, chl'acchint i est mis dsu chl'akeul d'ches tiots, un serviche jué
conme un espectake, pi chele mise dsu l'edvant d'ches restaurants achuchonnés
à chele carte "Tiot Glouté-Gueule". Ches restaurants qu'is sont
achuchonnés à chele carte is sont marqués par ech picto à l'inconte dsu ches
lisses.
Chl'akeul i kminche per
un véritabe menu "tiot glouté-gueule" abloqué aveuc des produits
ed per ichi (per egzimpe un menu aveuc un.ne fichèle picarde) mais étou qu'i
s'décantourne d'ches menus qu'os baille à l'abitude à ches tiots ; obin coère
un menu parel à chti qu'i est pourposé à ches adeultes, mais aveu foque el
mitan.
Chl'estourmie dech gout
i doét kmincher au pu timpe pou aprin.ne à ches tiots à mais étou pou déréviller
leu intéret pi leu curiosité. Ch'est un.ne cose indiskutabe qu'os n'peut avoèr
ker equ chu qu'os a aprouvé.
Ches tabes régionales
as printte étou in conte qu'echl'atinte inter ches plots ale est souvint d'trop
longue pou ches tiots. Adon, Terroirs ed Picardie a pourpose à ches foaiseus
d'cusinne un tiot live ed jus à thèmes qu'i sro baillé à ches infants.
Ainsin,
os porez foaire déteuper "tiot Glouté-Gueule" :
|
à
l'cinse :
|
din
ch'courtil :
|
|
|
|
|
din
ch'verger :
|
dsu
ches flots :
|
|
|
|
|
