Fachon de l'foère :
– Ecrasier tant éd badanes qu'i n’a éd moénieux sins tiête, zés poévrer.
– Ecrasier élle char d'ein édmi ananas, rajouter à chés badanes, n’in farchir
chés éscalopes éd pourcheu bin raplaties. Zés rouler, és inverlopper, pis
zés ficheler. Zés fare dourer au burre dins ein-ne cocotte, pis rajouter
chés carottes copées in rond, ein boutchet garni, tros oégnons haquion-nés,
sé pis poéve.
– Fare érvénir toute, douchemint, couvert, pindaint 10 à 15 mineutes.
– Rajouter d’apreus 2 verres d'ieu, laissier tchuire douchemint pindaint
1 heure à pus preus. Déficheler chés moénieux sisn tiête, zés dércher dsur
ein plat coeud, zés wardier au coeud.
– Passier chin
qu’en a tchuit, y rajouter 10 cl éd rhunm, 80 cl éd fraîque creume, laissier
diminuer, érraviser à ch’l’assaison-nemint pis érnapper.
– Garnir éch plat
éd broquettes éd fruts ézotiques : mangues, ananas, badanes, Poétrin-ne
fémée, payellés pis caramélisés dins du chuque ésmoule. Riz
basmati à fruts pis domino éd ponmes-ét-terre Cavaillon.
