Ch l’attrintchillage :
Fourtchette, tchuillère à soupe, coutieu, pouéyelle, castrole.
Soin :
Pour qu’à fuche racachant i n’feut point qu’ech pichon i fuche langreux ;
én coésicheu point un reillot et pi raviseu bien ses ziux qui n’fuchent-té
point glaireux.
Chu touillage :
Adon, o metteu din cho i’ieu d’tchuisson : des carotellettes, ed
z’ongnons, quiques pouérions, du f’noul, du pouillu, du laurieu seuce pi
du gros sé.
Fouaire un roux d’échalotes aveuc un molé d’vin blanc. Verseu chu vinaige
ed cite ed’dins et pi tchitteu frétir.
Rajouteu cho c’crème fraique pi frétieu coère un molé. Baleu cho m’moutarde
et pi monteu au beurre. Assaisonneu.
Copeu ch’pichon in morcieux dvant dé l’mette tchuire dins ch’bouillon. Cauffeu
pi tchitteu au queud.
Imbrondgeu cho r’raie d’seuce edvant d’servir.
Churtcheu un coup pi attatcheu d’boin tcheur !
